بيجنگ – 05 سيپٽمبر (اي پي پي) چين جي صوبي فوجيان جي شهر فوزون ۾ سامونڊي طوفان هائيڪوئي سبب ٻوڏ سبب 03 ڄڻا لاپتا ٿي ويا آهن. چين جي خابرو اداري جي رپورٽ مطابق نيشنل فائر اينڊ ريسڪيو ايڊمنسٽريشن ٻڌايو آهي ته يونگ ٽائي ڪانٽي جي ڳوٺ چلي ۾ 04 لڳي 15 منٽن تي ٻوڏ جو وهڪرو فائر انجن کي لوڙهي ويو جنهن سبب 09 ڄڻا ٻوڏ جي ليٽ ۾ اچي ويا جن مان 06 ڄڻن کي بچايو ويو آهي جڏهن ته 03 ڄڻا لاپتا آهن جن جي ڳولا جاري آهي.واضح رهي ته ڄاڻايل علائقي ۾ گذريل 24 ڪلاڪن دوران 300 ملي ميٽر برسات کان به وڌيڪ رڪارڊ ڪئي وئي آهي.
