مونٽريال – 05 سيپٽمبر (اي پي پي) انٽر نيشنل ايئر ٽرانسپورٽ ايسو سي ايشن (اياٽا) ٻڌايو آهي ته 2023ع جي ٻي ٽماهي دوران وچ اوڀر ۾ مسافرن جي آمد ورفت ۾ 03 مهينن دوران 31.4 سيڪڙو جي واڌ رڪارڊ ٿي آهي. سعودي عرب جي ميڊيا رپورٽن مطابق وچ اوڀر جي مسافرن جو انگ ان حوالي سان سرفهرست آهي. اياٽا چيو آهي ته سال جي بي ٽماهي دوران وچ اوڀر جي فضائي ڪمپنين ۾ ڪارگو سروس گذريل سال جي ان عرصي جي ڀيٽ ۾ 3.1 سيڪڙو گهٽتائي رڪارڊ ٿي آهي. اياٽا جي رپورٽ مطابق 2023 ع دوران وچ اوڀر جون فضائي ڪمپنيون مجموعي طور تي 90 نوان جهاز حاصل ڪنديون. رپورٽ ۾ چيو ويو آهي ته عرب امارات ۾ 2019ع جي ٻي ٽماهي جي ڀيٽ ۾ هلندڙ سال جي ٻي ٽماهي دوران سفري سرگرمين ۾ 17.2 سيڪڙو جي اوسر رڪارڊ ٿي آهي جيڪا غير معمولي واڌ آهي.
