مڪو شريف- 02 جون (اي پي پي)سعودي عرب جي اسلامي معاملن واري وزير شيخ ڊاڪٽر عبداللطيف آل الشيخ چيو آهي ته حاجي سڳورن جي خدمتن ۾ ڪوتاهي ڪندڙ ڪنهن به اهلڪار سان ڪا به رعايت نه ڪئي ويندي. سعودي اخبار موجب هن منيٰ، مزدلفه ۽ عرفات جي دوري جي موقعي تي جاري بيان ۾ چيو ته حج سيزن دوران سمورن اهلڪارن جي ڪارڪردگي تي نظر رکڻ لاءِ نگران ٽيمون مقرر ڪيون ويون آهن جيڪي 24 ڪلاڪ ڊيوٽي تي آهن ۽ آخري حاجي جي روانگي تائين نگراني جاري رکي ويندي. هن پنهنجي دوري جي شروعات عرفات جي مسجد نمره، اتان کان وزارت جي صدر آفيس ۽ دعوڪيبنز کان ڪيو، هن مزدلفه ۾ مسجد المشعر الحرام جا انتظام ڏٺا، هن منيٰ ۾ مسجد الخيف جو به دورو ڪيو. هن چيو ته مڪي شريف ۾ اصلاح ۽ مرمت جو ڪم 100 سيڪڙو مڪمل ٿي چڪو آهي. اسلامي معاملن واري وزير چيو ته اسان جي وزارت حاجين کي انهن جي پنهنجي ٻولي ۾ دين ۽ حج معاملن بابت آگاهي فراهم ڪرڻ لاءِ ٻيڻي تعداد ۾ مبلغ ۽ ترجمو ڪندڙ مقرر ڪيا آهن جنهن ۾ عورتون به شامل آهن. وزارت ٽيليفون ذريعي 32 ملين آگاهي پروگرامن جي به منظوري ڏني جڏهن ته ايس ايم ايس ذريعي به دعوتي پيغام ڏنا پيا وڃن.