گڏيل قومون – 19 اپريل(اي پي پي) گڏيل قومن چيو آهي ته افغان حڪومت کي عورتن کي ادارن ۾ ڪم ڪرڻ لاءِ قائل نه ڪري سگهياسين ته مئي ۾ اتان نڪري وينداسين. سعودي عرب جي خابرو اداري ترقياتي پروگرام جي عالمي اداري جي سربراهه جي حوالي سان چيو آهي ته هن وقت اسان گڏيل قومن جي نظام کي هڪ قدم پوئتي هٽڻو پئجي رهيو آهي. هن چيو ته افغان حڪومت مقامي عورتن کي ڪجهه شعبن ۾ ڪم ڪرڻ جي اجزات ڏني آهي جڏهن ته يو اين رپورٽ مطابق ملڪ ۾ اڃا وڌيڪ عورتن کي ادارن ۾ روزگار سان لڳائڻ جي سخت ضرورت آهي. ياد رهي ته هلندڙ مهيني جي آخر تائين افغان حڪومت جي حڪم نامي تحت مقامي عورتن کي گڏيل قومن ڪم ڪرڻ کان روڪيو ويو هو. حڪومت جي ترجمان ذبيح الله مجاهد چيو هو ته گڏيل قومن لاءِ ڪم ڪندڙ عورتن تي پابندي لڳائڻ اسان جي ملڪ جو اندروني مسئلو آهي، اسان جي فيصلن جو احترام ڪيو وڃي.
