انقره-07 فيبروري (اي پي پي) آمريڪا جي صدر جوبائيڊن ترڪيه ۾ تباهي جوڳي زلزلي تي صدر رجب طيب اردوان سان افسوس جو اظهار ڪيو آهي . ترڪ خابرو اداري ترڪيه جي ڪميونيڪشن ڊائريڪٽوريٽ جي بيان جي حوالي سان ٻڌايو ته آمريڪي صدر جوبائيڊن ترڪ صدر سان ٽيلي فونڪ رابطو ڪيو ۽ زلزلي سبب انساني زندگين جي ضايع ٿيڻ تي افسوس جو اظهار ۽ زخمين جي جلد صحتيابي لاءِ نيڪ خواهشن جو اظهار ڪيو آهي . وائٽ هائوس مطابق صدر جوبائيڊن نيٽو اتحادي ترڪيه کي هر طرح جي ۽ سموري ضروري مدد فراهم ڪرڻ جي آمريڪي عزم جي توثيق ڪئي .

متعلقہ مضامینمصنف کی طرف سے مزید