جنيوا – 09 – جنوري (اي پي پي) ايشيائي ترقياتي بئنڪ پاڪستان ۾ موسمياتي تبديلي ۽ نئين سر تعمير لاءِ ڪل 1.557 بلين ڊالر ڏيڻ جو واعدو ڪيو آهي. اي ڊي بي جي هڪ پريس ريليز ۾ چيو ويو آهي ته ان عهد جو اعلان ڪلائميٽ ريزيليئنٽ پاڪستان ڪانفرنس ۾ ڪيو ويو، جنهن جي ميزباني وزيراعظم شهباز شريف ۽ گڏيل قومن جو سيڪريٽري جنرل انتونيو گوتريس سوئيٽزرلينڊ جي شهر جنيوا ۾ ڪئي. ڪانفرنس کي خطاب ڪندي اي ڊي بي جي نائب صدر شيزن چن چيو ته ايندڙ ٽن سالن ۾ بئنڪ موسمياتي ۽ نئين سر تعمير سان گڏوگڏ لچڪدار مدد جي لاءِ هڪ ارب ڊالر تائين جي ٻيهر ترجيح ڏيندو. هن وڌيڪ چيو ته مدد جي اهم شعبن ۾ زراعت ۽ قدرتي وسيلن، شهري خدمتن، سماجي تحفظ، صحت ۽ عوامي مالياتي انتظام شامل آهن. پوسٽ ڊيزاسٽر نيڊز اسسمنٽ (پي ڊي اين اي) ۽ حڪومت جي ڪلائميٽ ريزيليئنٽ پاڪستان ڪانفرنس ۾ اسان جي حصيداري کانسواءِ اسان پاڪستان جي لاءِ ٻوڏ کان متاثر علائقن ۾ 1.5 بلين ڊالر جي سائيڪل پروگرام جي خاتمي ۾ سڀ کان وڌيڪ 557 ملين ڊالر جي امدادي پئڪيج جي منظوري ڏني جيڪو جزوي طور تي سماجي تحفظ ۽ خوراڪ جي حفاظت کي پڻ سپورٽ ڪري ٿو. ٻئي طرف هن وڌيڪ چيو ته وڏي پئماني تي اضافي شريڪ فنانسنگ کي متحرڪ ڪيو ويو. هن چيو ته پاڪستان ڪاربن جي انتهائي گهٽ اخراج جي باوجود انتهائي موسمياتي واقعن سان سڀ کان وڌيڪ متاثر ٿيندڙ ملڪن مان هڪ آهي. ٻوڏ آبهوا جي لچڪ سان گڏ بهتر تعمير جي اهميت کي اجاگر ڪيو. شيزن چن چيو ته اي ڊي بي جو مقصد 2030ع تائين مجموعي طور تي 100 بلين ڊالر جي ڪلائميٽ فنانسنگ فراهم ڪرڻ آهي.
