اسلام آباد – 02 – ڊسمبر (اي پي پي) وزيراعظم محمد شهباز شريف پاڪستان ٽيليويزن، فلم ۽ ٿيٽر جي ناليواري اداڪار افضال احمد جي لاڏاڻي تي گهري ڏک ۽ افسوس جو اظهار ڪيو ۽ چيو آهي ته پاڪستان ٽيليويزن، فلم ۽ ٿيٽر جي حوالي سان سندس خدمتن کي سدائين ياد رکيو ويندو. وزيراعظم آفيس جي پريس ونگ موجب وزيراعظم چيو ته مضبوط ڊائيلاگ ڊيليوري افضال احمد جي اداڪاري جي سُڃاڻپ هُئي، ليجنڊ اداڪار ناظرين جي ذهنن ۾ اڻمٽ نقش ڇڏيا آهن. وزيراعظم مرحوم افضال احمد جي درجن جي بلندي لاءِ دعا ڪئي ۽ گهرڀاتين سان تعزيت جو اظهار ڪيو.
