اسلام آباد – 26 مئي (اي پي پي) وزيراعظم محمد نواز شريف چيو آهي ته مسلم ليگ (ن) اقتدار جي نه پر قدرن جي سياست ڪندي آهي، اسان سچي دل سان ڪم ڪري رهيا آهيون، اڄ جو پاڪستان وڌيڪ مضبوط ۽ مستحڪم آهي، ماڻهو ڏسي رهيا آهن ته ڪير ڪم ڪري رهيو آهي ۽ ڪنهن ڪجهه ناهي ڪيو، اسان پاڪستان جي عوام کي جوابده آهيون. هن اها ڳالهه پاڪستان مسلم ليگ (ن) جي پارلياماني پارٽي جي اجلاس جي صدارت ڪندي چئي. وزيراعظم چيو ته اسان جي حڪومت کي 2013ع ۾ ڳنڀير مسئلا ورثي ۾ مليا پر اسان سخت محنت ڪئي ۽ هاڻي ماڻهو ڏسي سگهن ٿا ته ترقياتي منصوبا شفاف انداز ۾ تيزي سان مڪمل ڪيا پيا وڃن.
