اسلام آباد – 20 آگسٽ (اي پي پي) وزيراعظم عمران خان ايئر لفٽ ڪمپني پاران 8 ڪروڙ 50 لک ڊالر جي تازي سيڙپڪاري جي آجيان ڪندي چيو آهي ته حڪومت ملڪ ۾ سيڙپڪاري جا موقعا پيدا ڪرڻ لاءِ پرعزم آهي. پنهنجي ٽوئيٽ ۾ وزيراعظم چيو ته مشهور ايئر لفٽ ڪمپني پاران پاڪستان ۾ 8 ڪروڙ 50 لک ڊالر جي تازي سيڙپڪاري جي آجيان ڪريون ٿا. وزيراعظم چيو ته ايئر لفٽ ڪمپني جي قيادت پاڪستاني نوجوان ڪري رهيا آهن، پاڪستان ۾ سيڙپڪاري ۽ ڪاروبار لاءِ وڏي صلاحيت موجود آهي. وزيراعظم چيو ته حڪومت ملڪ ۾ سيڙپڪاري جا موقعا پيدا ڪرڻ لاءِ پرعزم آهي.
