اسلام آباد – 15 جون (اي پي پي) وزيراعظم عمران خان چيو آهي ته موجوده حڪومت جي زرعي شعبي جي بحالي لاءِ کنيل قدمن جي ڪري ننڍن آبادگارن کي ان جي محنت جو جائز منافعو مليو آهي جنهن سان انهن جي زندگي جو معيار بهتر ٿيڻ سان گڏوگڏ ملڪ جي معيشت تي به مثبت اثر پئجي رهيا آهن. وزيراعظم عمران خان سان نيشنل فوڊ سيڪيورٽي واري وزير سيد فخر امام ملاقات ڪئي، نيشنل فوڊ سيڪيورٽي واري وزير وزيراعظم کي ملڪ ۾ ڪڻڪ، چانورن، مڪئي، مڱ، بصرن ۽ پٽاٽن جي رڪارڊ پيداوار ۽ لائيو اسٽاڪ جي بحالي جي ڏس ۾ کنيل قدمن جي حوالي سان آگاهه ڪيو.
