لاهور – 26 فيبروري (اي پي پي) وزيراعظم عمران خان چيو آهي ته گذريل 10 سالن ۾ ورتل قرضن سبب ملڪ قرضن ۾ ٻڏل رهيو، اسان کي پنهنجا خرچ گهٽ ۽ آمدني ۾ اضافو ڪرڻو پوندو، بدقسمتي سان پاڪستان ۾ ڇانگامانگا، چيچه وطني، ديپالپور، ڪنديان جا وڏا وڏا ٻيلا ختم ڪيا ويا، راوي ريور ۽ والٽن منصوبا گيم چينجر ثابت ٿيندا، سينٽرل بزنس ڊسٽرڪٽ منصوبي سان ڪاروباري سرگرمين ۾ اضافو ٿيندو. اهڙن خيالن جو اظهار هن لاهور ۾ سينٽرل بزنس ڊسٽرڪٽ جو سنگ بنياد رکڻ جي تقريب کي خطاب ڪندي ڪيو. وزيراعظم چيو ته قطر سان ايل اين جي جو نئون معاهدو ٿيو آهي جنهن سان هر سال 300 ملين ڊالر جي بچت ٿيندي ۽ انشاءُ الله ايندڙ 10 سالن ۾ 3 ارب ڊالر جي بچت ٿيندي. ان منصوبي کي مڪمل ڪرڻ جي لاءِ گذريل 3 سالن کان ڪم ٿي رهيو آهي. هن چيو ته منصوبو پرڏيهي ناڻي ۾ اضافي جو سبب بڻجندو، پهرين فيز ۾ 1300 ارب روپين جي آمدني ٿيندي جنهن سان صوبائي، وفاقي حڪومت ۽ ريلوي جي روينيو ۾ به اضافو ٿيندو، جڏهن ته وفاقي حڪومت کي 250 ارب روپين جي مد ۾ ٽيڪس حاصل ٿيندو. هن چيو ته جڏهن والٽن ايئرپورٽ ڊي نوٽيفائيڊ ٿيندو ته ان سان ڪمرشل ويليو جي مد ۾ 6 هزار ارب روپين جو فائدو ٿيندو، وزيراعظم چيو ته گذريل 10 سالن دوران ورتل قرضن سان ملڪ قرضن ۾ ٻڏي ويو، ملڪ ۾ تبديلي آڻڻ جي لاءِ قوم جي حيثيت سان اسان کي پراڻي سوچ کي بدلائڻو پوندو، جڏهن ملڪ تي مشڪل وقت ايندو آهي ته ان مشڪل وقت مان نڪرڻ لاءِ پراڻي ۽ فرسوده روايتن کي تبديل ڪرڻ پوندو آهي. هن وقت ملڪ کي جيڪي ٻه وڏيون مشڪلاتون درپيش آهن انهن ۾ سڀ کان وڏو مسئلو قرضن جو بار آهي، گذريل 10 سالن دوران انڌير نگري ۾ بنا ڪنهن منصوبابندي جي قرض ورتا ويا جنهن جي ڪري اڄ اسان کي مهانگائي ۽ بيروزگاري کي منهن ڏيڻو پئجي رهيو آهي،
