اسلام آباد – 15 آگسٽ (اي پي پي) صدر ڊاڪٽر عارف علوي عوامي جمهوريه ڪوريا جي 75 هين يوم آزادي تي مبارڪباد ڏني آهي. ايوان صدر جي ميڊيا ونگ پاران جاري بيان موجب صدر ڊاڪٽر عارف علوي پنهنجي مبارڪباد واري پيغام ۾ عوامي جمهوريه ڪوريا جي صدر مون جي ان کي آزادي جي ڏهاڙي تي مبارڪباد ڏيندي چيو آهي ته پاڪستان ۽ عوامي جمهوريه ڪوريا جا دوستاڻا لاڳاپا گڏيل عزت، اعتماد ۽ ويجهي تعاون تي ٻڌل آهن، ڪوريا جاپان کان 1945ع ۾ 15 آگسٽ تي آزادي حاصل ڪئي هئي، ڪوريا تي جاپان 1910ع کان وٺي 1945ع تائين حڪومت ڪئي هئي.
