اسلام آباد – 07 آگسٽ (اي پي پي) وزيراعظم عمران خان چيو آهي ته راوي سٽي پراجيڪٽ جي پيڙهه جو پٿر رکي انتهائي خوشي ٿي آهي، اهو اسان جي تاريخ جو هڪ وڏو منصوبو آهي جيڪو اسان شروع ڪيو آهي. سماجي رابطن جي ويب سائيٽ ٽوئيٽر تي پنهنجي ٽوئيٽ ۾ هن چيو ته ان منصوبي سان لاهور کي بنا منصوبابندي سان شهري آبادي جي ڦهلاءُ کي روڪي سگهبو، زمين هيٺ پاڻي جي سطح ۾ اضافي ۽ راوي کي سيوريج نالو بڻجڻ کان روڪي سگهبو. هن چيو ته راوي سٽي منصوبي سان ٻاهرئين ملڪ رهندڙ پاڪستانين ذريعي پرڏيهي مٽاسٽا جو ناڻو به ملندو. ان سان 40 صنعت ۾ لکين ماڻهن کي نوڪريون ملنديون.