اسلام آباد – 02 جنوري (اي پي پي) قومي سلامتي ڪميٽي آمريڪي قيادت جي تازن بيانن تي گهري مايوسي جو اظهار ڪندي آمريڪي قيادت پاران ڏنل تازن بيانن کي مڪمل طور تي ناقابل فهم قرار ڏنو آهي ۽ چيو آهي ته نه ته پاڪستان کي افغانستان ۾ گڏيل ناڪامي جو ذميوار قرار ڏئي سگهجي ٿو ۽ نه ئي اتحادين تي الزام بازي سان افغانستان ۽ خطي ۾ پائيدار امن جي گڏيل مقصدن کي حاصل ڪري سگهجي ٿو. قومي سلامتي ڪميٽي جو 17 هون اجلاس وزيراعظم شاهد خاقان عباسي جي صدارت ۾ ٿيو جنهن ۾ خطي ۽ خطي کان ٻاهر اڀرندڙ اسٽريٽجڪ صورتحال جو جائزو ورتو ويو.
