اسلام آباد – 12 جنوري (اي پي پي) وزيراعظم جي اطلاعات ۽ نشريات بابت خاص مددگار ڊاڪٽر فردوس عاشق اعواڻ چيو آهي ته ايم ڪيو ايم اسان جي اهم اتحادي پارٽي آهي، انشاءَ الله اتحادي ئي رهندي، سياسي پارٽين جي موقف ۾ اختلاف هوندو آهي، اسد عمر جي قيادت ۾ حڪومتي وفد اڄ ايم ڪيو ايم جي قيادت سان ملاقات ڪندو، وزيراعظم عمران خان ڪراچي جون روشنيون بحال ڪرڻ جي لاءِ پرعزم آهي، ڪراچي جي ترقي، شهرين جي بنيادي حقن جو تحفظ ۽ فروغ ۽ وسيلن جي فراهمي تي سڀني جو اتفاق آهي ان تي ڪا ٻي راءِ نه ٿي ٿي سگهي. اهڙن خيالن جو اظهار هن پنهنجي هڪ ٽوئيٽ ۽ نجي چينل سان ڳالهائيندي ڪيو.
