ڪراچي – 25 ڊسمبر (اي پي پي) وزيراعظم عمران خان واپاري برادري لاءِ ڪاروبار ۾ وڌيڪ آسانيون پيدا ڪرڻ جي عزم جو ورجاءُ ڪندي چيو آهي ته پوري ڪوشش آهي ته ملڪ ۾ وڌ کان وڌ سيڙپڪاري کي فروغ ڏيون، پاڪستان جي ترقي ۾ واپاري برادري ۽ سيڙپڪارن جو اهم ڪردار آهي، معاشي استحڪام کانپوءِ واڌ جي شرح ۾ اضافو اسان جو ايندڙ هدف آهي، ننڍي ۽ وچولي درجي جو ڪاروبار لاءِ سهولت فراهم ڪرڻ اسان جي اولين ترجيح آهي، سياحتي شعبي کي فروغ ڏئي نوجوانن لاءِ نوڪرين جا موقعا پيدا ڪرڻ جا خواهشمند آهيون. اهڙن خيالن جو اظهار هن پاڪستان اسٽاڪ ايڪسچينج ۾ ايوارڊز ورهائڻ جي تقريب کي خطاب ڪندي ڪيو.
