اسلام آباد – 16 آگسٽ (اي پي پي) پاڪستان جي پرڏيهي وزير شاهه محمود قريشي چيو آهي ته اسان ڪشمير جي مسئلي تي آخري حد تائين وڃڻ جو فيصلو ڪيو آهي، 50 سال کانپوءِ پهريونڀ يرو سلامتي ڪائونسل ۾ ڪشمير مسئلي تي غور ڪيو ويو،ڀارت جيڪو مسئلو دنيا جي نظرن کان پري ڪري ڇڏيو هو اڄ ڀارت بي نقاب ٿي ويو، پاڪستان خودمختياري جي حق حاصل ڪرڻ تائين ڪشمرين جي حمايت جاري رکندو، ايٽمي هٿيارن جي استعمال ۾ اڳرائي بابت ڀارت جي دفاعي وزير جو بيان غير ذميداراڻو ۽ احمقاڻو آهي، جيستائين هندستان جو پرڏيهي وزير ڪشمير مان ڪرفيو ختم نٿو ڪري ۽ جارحيت جو خاتمو نٿو آڻي پرڏيهي وزير طور ساڻس ڪو به رابطو نه ڪندس، پرڏيهي وزارت ۾ ولاريل ڄمون ۽ ڪشمير جي حوالي سان سيڪيورٽي ڪائونسل جي اجلاس بابت پريس ڪانفرنس ڪندي پرڏيهي وزير شاهه محمود قريشي چيو ته پاڪستان جي درخواست تي 42 ڪلاڪن ۾ گڏيل قومن جي سيڪيورٽي ڪائونسل جو اجلاس طلب ڪيو ويو.
