اسلام آباد – 08 جولاءِ (اي پي پي) وزيراعظم عمران خان چيو آهي ته نئون پاڪستان هائوسنگ منصوبو سڀ کان اهم پروگرام آهي جنهن سان نه رڳو ملڪ ۾ گهرن جي کوٽ کي پورو ڪرڻ ۾ مدد ملندي پر معاشي عمل تيز ٿيندو، هنرمندن ۽ نوجوانن کي روزگار جا موقعا ملندا، پروگرام تحت گهٽ آمدني وارن ماڻهن ۽ غريب خاندانن جو پنهنجي رهائش حاصل ڪرڻ جو خواب پورو ٿيندو، منصوبي ۾ سمنڊ پار پاڪستانين جي شرڪت کي يقيني بڻائڻ جي لاءِ خاص قدم کنيا پيا وڃن. اهڙن خيالن جو اظهار نئون پاڪستان هائوسنگ پروگرام تي اڳڀرائي جي حوالي سان جائزه اجلاس جي صدارت ڪندي ڪيو.
