اسلام آباد – 24 جون (اي پي پي) پاڪستان پيپلزپارٽي جي چيئرمين بلاول ڀٽو زرداري چيو آهي ته حڪومت کي انصاف ۽ انساني حقن جو تحفظ يقيني بڻائڻو پوندو، پنهنجي معاشي ۽ جمهوري حقن تي ڪو به ٺاهه نه ڪنداسين، هي ايوان ملڪ جو بااختيار ايوان آهي، سڀ ادارا هن ايوان کي جوابده آهن، هي ايوان ڪنهن اداري آڏو جوابده نه آهي، قرضن جي حوالي سان ڪميشن جو قيام غير آئيني ۽ غير جمهوري آهي. قومي اسيمبلي ۾ ايندڙ مالي سال 20 -2019ع جي بجيٽ تي بحث ۾ حصو وٺندي بلاول ڀٽو زرداري چيو ته اسان پاڪستان جي عوام کان هن ايوان جي ماحول جي حوالي سان معذرت خواه آهيون، هن ايوان جي هر ميمبر جي عزت جو خيال رکڻ گهرجي.
