اسلام آباد – 06 جون (اي پي پي) وزيراعظم اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته حڪومت احساس پروگرام جاري ڪيو آهي جنهن جو مقصد وزيراعظم عمران خان جي نصب العين تحت معاشري جي غريب ۽ لاچار طبقي جون حالتون بهتر ڪرڻ آهي. پي ٽي وي سان ڳالهائيندي هن چيو ته وزيراعظم ملڪ کي ترقي جي راهه تي گامزن ڪرڻ جي لاءِ پرعزم آهي. خصوصي معاون چيو ته ڪنهن به وزارت ۾ ڪنهن به قسم جي بدعنواني نه آهي ۽ پاڪستان تحريڪ انصاف جي حڪومت ملڪ مان ان لعنت جي مڪمل خاتمي لاءِ پرعزم آهي.
