اسلام آباد – 29 مئي (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته انسانيت جي خدمت سڀ کان وڏي عبادت آهي، هلال احمر پاڪستان هر ڏکئي وقت ۾ متاثر ماڻهن جي مدد ڪري پنهنجو مقام ٺاهيو آهي، قدرتي آفتن ۽ سانحن ۾ هلال احمر سان جاپان حڪومت جو تعاون مثالي رهيو آهي. اهڙن خيالن جو اظهار هن هلال احمر نيشنل هيڊڪوارٽرز ۾ جاپان حڪومت پاران چئن جديد ترين ايمبولينس جي فراهمي ۽ افطار ڊنر جي موقعي تي خاص مهمان جي حيثيت سان خطاب ڪندي ڪيو.
