اسلام آباد – 20 اپريل (اي پي پي) اطلاعات ۽ نشريات واري خصوصي معاون ڊاڪٽر فردوس عاشق اعواڻ چيو آهي ته مخالف ڌر کي سنجيده ۽ ذميواراڻو ڪردار ادا ڪرڻو پوندو، مخالف ڌر جيڪڏهن پارليامينٽ کي هاءِ جيڪ ڪرڻ جي ڪوشش ڪندي ته مسئلا پيدا ٿيندا، مخالف ڌر کانسواءِ پارليامينٽ ۽ جمهوريت هلي نه ٿي سگهي، مخالف ڌر عوامي مسئلن جي حل لاءِ مثبت تجويزون ڏي، ميڊيا سان مشاورت ڪنداسين. بني گالا ۾ وزيراعظم عمران خان جي صدارت ۾ اجلاس کانپوءِ صحافين سان ڳالهائيندي ڊاڪٽر فردوس عاشق اعواڻ چيو ته اجلاس ۾ اهم قومي معاملن تي خيالن جي ڏي وٺ ڪئي وئي ۽ سمورين وزارتن کي هدف ڏنا ويا جڏهن ته نئين اقتصادي ٽيم کي ذميواريون پڻ ڏنيون ويون آهن.
