اسلام آباد – 18 اپريل (اي پي پي) وزيراعظم عمران خان وفاقي ڪابينا جي ڪجهه ميمبرن جي کاتن ۾ ڦيرڦار ڪري ڇڏي آهي، ڊاڪٽر حفيظ شيخ کي ناڻي وارو صلاحڪار ۽ ڊاڪٽر فردوس عاشق اعواڻ کي اطلاعات ۽ نشريات واري ڊويزن جو خاص معاون مقرر ڪيو ويو آهي جڏهن ته ڊاڪٽر اعجاز شاهه کي گهرو وزارت جو قلمدان ڏنو ويو آهي. وزيراعظم آفيس پاران جاري ڪيل بيان موجب اطلاعات ۽ نشريات جي وفاقي وزير چوڌري فواد حسين کي سائنس ۽ ٽيڪنالاجي جي وزارت، پيٽروليم ڊويزن واري وفاقي وزير غلام سرور خان کي شهري هوابازي جو وفاقي وزير بڻايو ويو آهي.
