اسلام آباد – 03 جون (اي پي پي) وزيراعظم محمد نواز شريف اسلام آباد، پنجاب ۽ خيبرپختونخواهه جي مختلف علائقن ۾ پهرين جون تي طوفان بابت وقت سر اڳڪٿي ڪرڻ ۾ ناڪامي تي موسميات کاتي جي ڊائريڪٽر جنرل کان وضاحت طلب ڪري ورتي آهي. وزيراعظم آفيس پاران موسميات کاتي جي ڊائريڪٽر جنرل ڊاڪٽر غلام رسول کي موڪيل خط ۾ کانئس فرضن جي سنگين ڪوتاهي جي وضاحت طلب ڪئي وئي آهي. وزيراعظم جيڪو هن وقت لنڊن ۾ علاج هيٺ آهي.
