ڪرائس چرچ– 15 مارچ (اي پي پي) نيوزيلينڊ جي شهر ڪرائس چرچ ۾ ٻن مسجدن تي دهشتگرد حملن ۾ 49 ماڻهو شهيد ۽ 48 زخمي ٿي پيا. حملا ڊين ايوينيو تي مسجد النور ۽ لين ووڊ جي مسجد ۾ پيش آيا. نيوزيلينڊ جي وزيراعظم جاسنڊا آرڊرن ڪرائس چرچ ۾ مسجدن تي حملن کي دهشتگردي قرار ڏنو ۽ چيو آهي ته اهي حملا دهشتگرديءَ کان سواءِ ڪجهه ناهن، انهن حملن جي سوڳ ۾ نيوزيلينڊ ۽ آسٽريليا پنهنجا جهنڊا جُهڪيل رکڻ جو اعلان ڪيو آهي. پوليس اختيارن موجب 4 شڪي حملي آورن کي گرفتار پڻ ڪيو ويو آهي، جن ۾ هڪ عورت پڻ شامل آهي.
