اسلام آباد – 07 مارچ (اي پي پي) قومي اسيمبلي جي اسپيڪر اسد قيصر چيو آهي ته دنيا ۾ امن قائم ڪرڻ لاءِ پارلياماني سفارتڪاري جو قيام انتهائي اهميت رکندڙ آهي، پارلياماني سفارتڪاري دنيا سان واپار جي فروغ، افرادي قوت ۽ تجربن جي مٽاسٽا ۾ موثر ڪردار ادا ڪري سگهي ٿي، ڀارت خطي ۾ امن کي تباهه ڪرڻ چاهي ٿو ۽ لائن آف ڪنٽرول ۽ والاريل ڪشمير ۾ جارحيت جو واضح ثبوت آهي، تازي ڇڪتاڻ دوران حڪومت پاڪستان هر قدم تي صبر ۽ تحمل جو مظاهرو ڪيو، اهڙن خيالن جو اظهار هن قومي اسيمبلي ۾ پارلياماني فرينڊشپ گروپس جي ڪنوينر ۽ اسلام آباد ۾ موجود سفارتي برادري جي اعزاز ۾ آجياڻي واري تقريب کي خطاب ڪندي ڪيو.
