اسلام آباد – 06 مارچ (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته پاڪستان امن پسند ملڪ ۽ پاڙيسرين سان خوشگوار لاڳاپن جو خواهشمند آهي، پاڪستان هر مرحلي تي هڪ ذميوار، تحمل مزاج ۽ سنجيده رياست جو ڪردار ادا ڪيو، پاڪستان جي حڪومت ۽ هٿياربند فوج ڀارتي جارحيت جي جواب ۾ پنهنجي خودمختياري ۽ دفاع جو فرض ادا ڪيو. هو پرڏيهي سفيرن جي مان ۾ ڏنل آجياڻي کي خطاب ڪري رهيو هو. آجياڻي ۾ يورپي يونين ۽ ٻين ملڪن جي سفيرن ۽ سنڌ جي گورنر عمران اسماعيل شرڪت ڪئي.
