اسلام آباد – پهرين فيبروري (اي پي پي) وزيراعظم عمران خان زراعت جي شعبي جي فروغ کي اولين ترجيح قرار ڏيندي چيو آهي ته زرعي شعبي ۾ ملڪي صلاحيت مان مڪمل طور تي لاڀ پرائڻ لاءِ وفاقي حڪومت ان سلسلي ۾ صوبائي حڪومتن کي هر ممڪن مدد فراهم ڪندي جڏهن ته چين سميت دوست ملڪن جي طرفان ٽيڪنالاجي ۽ ٻي مدد مان ڀرپور طريقي سان فائدو حاصل ڪرڻ لاءِ صوبن کان سفارشون به طلب ڪيون ويون آهن، هن اها ڳالهه ايگريڪلچر ۽ فوڊ پراسيسنگ بابت اعليٰ سطحي اجلاس جي صدارت ڪندي چئي.
