اسلام آباد – 30 جنوري (اي پي پي) وزيراعظم عمران خان چيو آهي ته فيڊرل بورڊ آف روينيو (ايف بي آر) ۾ سڌارا حڪومت جي سڌارن واري ايجنڊا جو اهم جز آهي، ماضي ۾ عوام ۽ خاص طور تي واپاري برادري کي ٽيڪس عملدارن پاران هراسان ڪرڻ، ٽيڪس اوڳاڙين جي ڏکئي عمل، ڪرپشن ۽ ٽيڪس مان گڏ ٿيل رقم کي حڪمرانن جي شاهاڻي رهڻي ڪهڻي جي لاءِ استعمال ڪرڻ جي ڪري عام شهرين جو ٽيڪس جي نظام ۽ ايف بي آر تان اعتماد ختم ٿي چڪو آهي جنهن کي بحال ڪرڻ جي ضرورت آهي. هن اهڙن خيالن جو اظهار وزيراعظم آفيس ۾ فيڊرل بورڊ آف روينيو ۾ سڌارن جي حوالي سان اجلاس جي صدارت ڪندي ڪيو.
