اسلام آباد – 28 ڊسمبر (اي پي پي) وزيراعظم عمران خان پرڏيهي وزارت، ٻاهرئين ملڪ مقرر سفيرن، گهرو وزارت ۽ لاڳاپيل ادارن جي وچ ۾ موثر ۽ ٺوس رابطن جي ضرورت تي زور ڏيندي چيو آهي ته پاڪستان انساني ۽ قدرتي وسيلن سان مالامال بهترين سرزمين آهي، درپيش چئلينجن کي نظر ۾ رکندي دستياب موقعن مان ڀرپور فائدو کڻڻ گهرجي، ٻين تي ڀاڙڻ جي پاليسي ختم ڪرڻي پوندي. اهڙن خيالن جو اظهار هن پرڏيهي آفيس ۾ ٻن ڏينهن واري معاشي سفارتڪاري ڪانفرنس جي پڄاڻي واري تقريب کي خطاب ڪندي ڪيو.
