اسلام آباد – 06 ڊسمبر (اي پي پي) وزيراعظم عمران خان چيو آهي ته افغانستان ۾ سياسي ڳالهين جي عمل جي ذريعي امن جي قيام جي حوالي سان پاڪستان جي موقف جي توثيق ٿي آهي، افغانستان ۾ امن جي قيام لاءِ اسان سدائين ڳالهين ۽ پرامن حل تي زور ڏنو، اڄ ”ڊو مور“ جي مطالبي بدران پاڪستان جو پرامن حل ڳولڻ ۾ اسان جو تعاون گهري رهيا آهن. هن اها ڳالهه وزيراعظم آفيس ۾ وفاقي ڪابينا جي اجلاس جي صدارت ڪندي چئي. وزيراعظم چيو ته آمريڪا اها ڳالهه پهريون ڀيرو تسليم ڪئي آهي جيڪا پاڪستان تحريڪ انصاف سدائين چوندي رهي آهي ته افغانستان جي مسئلي جو ڪو فوجي حل نه آهي.
