اسلام آباد – 30 آڪٽوبر (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته ملڪ جي تباهي جا ذميدار قومي اسيمبلي ۾ اپوزيشن جي پهرين سيٽن تي ويٺل آهن، اپوزيشن اين آر او چاهي ٿي پر اسان ان تي ڪو به ٺاهه نه ڪنداسين، نواز شريف جي سياست ختم ٿي چڪي آهي، هو هاڻي هن ايوان ۾ نٿو اچي سگهي، اپوزيشن وٽ نه قيادت آهي ۽ نه ئي نظريو، هو نئين قيادت جي چونڊ ڪري، انهن تي اربين روپين کان گهٽ ڪيس نه آهن. قومي اسيمبلي ۾ خيالن جو اظهار ڪندي وفاقي وزير چوڌري فواد حسين چيو ته مولانا عبدالواسع جيڪا ڳالهه ڪئي اها مناسب ناهي، اسان کين پورو پورو جواب ڏينداسين.