اسلام آباد – 18 سيپٽمبر (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته وزيراعظم عمران خان 2018ع جي اليڪشن جي جاچ لاءِ ايوان جي خصوصي ڪميٽي قائم ڪرڻ جو پهرين ڏينهن فيصلو ڪري ورتو آهي، ماضي ۾ 2013ع جي چونڊن کان پوءِ صرف 4 تڪ کولڻ جي اسان جي مطالبي تي 4 سال لڳايا ويا، اسپيڪر کي ڪميٽي کي جوڙڻ جو اختيار حاصل آهي جيڪا به ڪميٽي ٺهندي اها بااختيار هوندي. قومي اسمبلي ۾ خيالن جو اظهار ڪندي اطلاعات ۽ نشريات واري وفاقي وزير چوڌري فواد حسين چيو ته اهڙي طرح جي ڪميٽي لاءِ تحريڪ انصاف کي چئن سالن تائين انتظار ڪرڻو پيو.
