اسلام آباد – 28 جولاءِ (اي پي پي) پاڪستان تحريڪ انصاف جي اڳواڻ نعيم الحق چيو آهي ته اميد آهي ته 14 آگسٽ کان اڳ حڪومت سازي جو عمل مڪمل ٿي ويندو، پنجاب ۽ ڪي پي ڪي جي وڏن وزيرن جي لاءِ مشاورت جاري آهي، فاٽا جي انضمام جي مخالفن کي عوام شڪست ڏئي ڇڏي آهي، تحريڪ انصاف جي حڪومت پاڪستان جي روشن مستقبل جي ضمانت هوندي، اسان جو پيپلزپارٽي سان ڪو رابطو ناهي ٿيو. بني گالا ۾ صحافين سان ڳالهائيندي هن چيو ته مولانا فضل الرحمان جهڙن سياستدانن پاران منفي سياست مذمت جوڳي آهي، انهن کي بدترين شڪست ٿي آهي انهن کي هاڻي احساس ٿيڻ گهرجي ته پاڪستان جي عوام ڇا ٿي چاهي.
