ڪراچي – 11 مئي (اي پي پي) وزيراعظم شاهد خاقان عباسي چيو آهي ته ايندڙ عام چونڊون پنهنجي مقرر وقت تي ٿينديون، عوام فيصلو ڪندي ته آئنده ڪنهن جي حڪومت هوندي، مسلم ليگ (ن) پنهنجي ڪارڪردگي جي بنياد تي عوام ۾ ويندي، ملڪ ۾ جيتري به ترقي ٿي جمهوري ۾ ٿي، مسلم ليگ (ن) پنج سالن ۾ خدمت ۽ ترقي جو ماڊل پيش ڪيو آهي، ملڪي تاريخ ۾ ايترو ڪم ڪڏهن ناهي ٿيو، ڪراچي ۾ گهري پاڻي جي ڪنٽينر پورٽ خطي جي جديد ترين پورٽ آهي جنهن سان وچ ايشيا، چين ۽ افغانستان سميت خطي جي ٻين ملڪن سان رابطا وڌندا. هو پاڪستان جي گهري پاڻي جي پهرين ڪنٽينر پورٽ جي افتتاحي تقريب کي خطاب ڪري رهيو هو.
