اسلام آباد – 03 جولاءِ (اي پي پي) وزيراعظم محمد نواز شريف تاجڪ صدر امام علي رحمانوف جي دعوت تي 5 ۽ 6 جولاءِ تي تاجڪستان جو 2 ڏينهن جو سرڪاري دورو ڪندو. پرڏيهي آفيس پاران جاري بيان موجب اعليٰ سطحي وفد پڻ وزيراعظم سان گڏ هوندو. پاڪستان ۽ تاجڪستان جي وچ ۾ ويجها ۽ تعاون تي ٻڌل لاڳاپا قائم آهن جيڪي گڏيل تاريخ، ثقافت ۽ عقيدي تي ٻڌل آهن. ٻئي ملڪ خطي ۾ امن، استحڪام ۽ ترقي جي لاءِ هڪ جهڙي سوچ رکن ٿا جڏهن ته ٻنهي ملڪن جو اهم علائقائي ۽ عالمي معاملن تي پڻ هڪ جهڙو موقف آهي.
