اسلام آباد – 31 مئي (اي پي پي) وزيراعظم جي سياسي معاملن بابت خصوصي معاون ۽ مسلم ليگ (ن) جي ترجمان ڊاڪٽر آصف ڪرماڻي چيو آهي ته سينيٽر نهال هاشمي جي پارٽي ميمبرشپ معطل ڪئي وئي آهي ۽ کيس ٻڌايو ويو ته وزيراعظم جي واضح هدايت تي هو فوري طور تي سينيٽرسپ تان استعيفيٰ ڏي. ڊاڪٽر آصف ڪرماڻي جاري بيان ۾ چيو ته سينيٽر نهال هاشمي کي شوڪاز نوٽيس جاري ڪيو ويو آهي. هن نهال هاشمي کي وزيراعظم هائوس طلب ڪري شوڪاز ڏيڻ ۽ سندس پارٽي ميمبرشپ معطل ڪرڻ جي فيصلي کان آگاهه ڪيو.
