اسلام آباد – 28 مارچ (اي پي پي) وزيراعظم محمد نواز شريف چيو آهي ته پاڪ چين دوستي نئين بلندين تائين پهچي رهي آهي جيڪا سي پيڪ ۽ اهم اقتصادي شعبن ۾ گڏيل تعاون مان ظاهر آهي، چين سان پاڪستان جو تعاون نه رڳو ٻنهي ملڪن ۾ خوشحالي آڻيندو پر پوري خطي جي لاءِ ترقي جو ذريعو هوندو. هن اها ڳالهه چائنا ايرو اسپيس سائنس اينڊ انڊسٽري ڪارپوريشن جي چيئرمين آف بورڊ گائو هونگ وائي ۽ چائنا پريسيزن مشينري امپورٽ ايڪسپورٽ ڪارپوريشن جي چيئرمين آف بورڊ زائوچياولونگ سان ڳالهائيندي چئي.
