اسلام آباد – پهرين مارچ (اي پي پي) ترڪي جي صدر رجب طيب اردوان اقتصادي تعاون تنظيم ۾ سڌارن جو عمل جلد کان جلد مڪمل ڪرڻ، اي سي او سيڪريٽريٽ جي انساني وسيلن کي مستحڪم ڪرڻ ۽ منصوبن جي ملڪيت لاءِ ميڪنزم تيار ڪرڻ جي تجويز ڏيندي چيو آهي ته ترڪي ان مقصد کي حاصل ڪرڻ لاءِ هر ممڪن تعاون فراهم ڪندو. 13 هين اقتصادي تعاون تنظيم ( اي سي او) سربراهه اجلاس کي خطاب ڪندي چيو ته اي سي او جي ميمبر ملڪن کي توانائي جي شعبي ۾ تعاون جي ضرورت آهي.
