اسلام آباد – پهرين مارچ (اي پي پي) ايران جي صدر حسن روحاني چيو آهي ته 21 هين صدي ايشيا جي اڀرندڙ معيشت جي صدي آهي ۽ اقتصادي سرگرميون اولهه کان اوڀر منتقل ٿي رهيو آهن، خطي جي معاشي مستقبل جي تعمير ۾ اقتصادي تعاون تنظيم اهم ڪردار ادا ڪري سگهي ٿي ان مقصد لاءِ اي سي او جي نئين سر تنظيم ڪاري جي ضرورت آهي. اقتصادي تعاون تنظيم جي 13 هين سربراهه اجلاس کي خطاب ڪندي ايران جي صدر چيو ته اسان اي سي او ملڪن کي هاءِ ويز جي ذريعي ٻين سان ڳنڍي ڇڏينداسين ڇو ته رابطن کي فروغ ڏيڻ سان ئي ايشيا ۾ ترقي ۽ خوشحالي کي يقيني بڻائي سگهجي ٿو.
