اسلام آباد – 17 جنوري (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته عمران خان ٽن سالن تائين ڪوڙ ڳالهائڻ ۽ انتشار جي سياست ڪرڻ تي قوم کان معافي وٺي. سپريم ڪورٽ ٻاهران صحافين سان ڳالهائيندي هن چيو ته عمران خان پنهنجي پهرين پٽيشن ۾ چيو ته وزيراعظم ميان نواز شريف کي برطرف ڪيو وڃي ڇو ته هن ٽيڪس چوري ڪئي آهي، سندس پٽيشن جا ڪيترا حصا عدالت ۾ پڙهي ٻڌايا ويا جن تي پي ٽي آءِ جي وڪيل دليل ئي پيش نه ڪيا ۽ پٽيشن جي انهن حصن تان عمران خان پاڻ ۽ سندس وڪيل پٺتي هٽي چڪا آهن.