اسلام آباد – 03 ڊسمبر (اي پي پي) صدر ممنون حسين چيو آهي ته خصوصي ماڻهن جي نگهداشت، تعليم ۽ تربيت ۽ انهن جي مفادن جو تحفظ معاشري جي هر ماڻهو جي ذميواري آهي، پائيدار ترقي جا هدف حاصل ڪرڻ جي لاءِ خصوصي ماڻهن کي معاشري جو فعال حصو بڻايو ويندو، سندن حق ڪڏهن به غضب نه ٿيڻ ڏنا ويندا ۽ معاشري ۾ خصوصي ماڻهن ۽ ٻارن جي حقن جي تحفظ جي لاءِ شعور اجاگر ڪيو ويندو، ڪيڊ واري وزارت اکين کان محروم ماڻهن جي لاءِ اردو سافٽ ويئر تيار ڪري، ان سلسلي ۾ ايوان صدر پڻ سندن تعاون ڪندو، والدين خصوصي ٻارن کي ظلم ۽ هر قسم جي استحصال کان بچائڻ جي هر ممڪن ڪوشش ڪن. اها ڳالهه صدر خصوصي ماڻهن ۽ ٻارن جي عالمي ڏهاڙي جي موقعي تي تقريب کي خطاب ڪندي چئي.
