اسلام آباد – 09 آڪٽوبر (اي پي پي) مذهبي معاملن ۽ بين المذاهب هم آهنگي واري وفاقي وزير سردار محمد يوسف چيو آهي ته عمران خان ان کان اڳ به ڪيترائي ڌرڻا ۽ احتجاج ڪري چڪو آهي پر نتيجو ڪجهه ناهي نڪتو، عمران خان کي گهرجي ته ملڪي مفادن ۽ قومي ترقي جي لاءِ مثبت ڪردار ادا ڪري. اي پي سان ڳالهائيندي هن چيو ته اقتصادي لنگهه منصوبي سان لکين ماڻهن کي روزگار جا موقعا مليا جنهن سان غربت جي شرح ۾ گهٽتائي ايندي، ملڪ جي معيشت جي لاءِ استحڪام جو سبب بڻجندو.
