اسلام آباد – 05 آڪٽوبر (اي پي پي) وزيراعظم محمد نواز شريف بيلاروس جي واپارين ۽ صنعتڪارن کي مختلف شعبن ۾ سيڙپڪاري جي دعوت ڏيندي چيو آهي ته پاڪستان ۾ سيڙپڪاري جي لاءِ دستياب سهولتن ۽ بهترين موقعن مان فائدو کڻو. چوٿين پاڪستان بيلاروس گڏيل انويسٽمينٽ اينڊ بزنس فورم کي خطاب ڪندي هن چيو ته مون وزيرن کي هدايت ڪئي وئي آهي ته ٻه طرفي لاڳاپن کي مستحڪم ڪرڻ جي لاءِ موثر قدمن کنيا وڃن. هن چيو ته فورم جو انعقاد سيڙپڪارن جو پاڪستان تي اعتماد جو مظهر آهي، وزيراعظم محمد نواز شريف ملڪ جي اقتصادي صورتحال جو ذڪر ڪندي چيو ته اقتصادي ٽيم سخت محنت کانپوءِ ملڪ کي درپيش بحران مان ٻاهر ڪڍيو.
