اسلام آباد – پهرين آڪٽوبر (اي پي پي) سينيٽ ۾ قائد ايوان سينيٽر راجا ظفرالحق چيو آهي ته ڀارت والاريل ڪشمير ۾ ڀارتي ظلم لڪائڻ ۽ دنيا جو ڌيان ڪشمير مسئلي تان هٽائڻ جي لاءِ سرحد تي ڇڪتاڻ شروع ڪري رهيو آهي ته جئين هو والاريل ڪشمير ۾ ظلمن جا پهاڙ ڪيرائي ڪشميرين جو آواز دٻائي سگهي. اهڙن خيالن جو اظهار هن شاليمار رڪارڊنگ اينڊ براڊڪاسٽنگ جي ملازمن جي يونين جي اهتمام هيٺ سالياني آجياڻي ۾ خصوصي مهمان جي حيثيت سان خطاب ڪندي ڪيو.
