اسلام آباد – 18 سيپٽمبر (اي پي پي) مسلم ليگ (ن) جي قومي اسيمبلي ميمبرن طلال چوڌري ۽ دانيال عزيز چيو آهي ته شريف خاندان عمران خان جون ننڊون حرام ڪري ڇڏيون آهن. عمران خان جي بيان تي پنهنجي ردعمل ۾ طلال چوڌري چيو ته عمران خان فتنو فساد ۽ پنهنجي سياست بچائڻ جي لاءِ لاش چاهي ٿو، اسان سندس اها خواهش پوري ٿيڻ نه ڏينداسين. هن چيو ته تحريڪ انصاف جلسا جلوس بيشڪ ڪري پر اشتعال انگيزي ۽ تشدد ٿيو ته ان جي ذميواري پي ٽي آءِ تي هوندي، عمران خان کان پنهنجي پارٽي نه ٿي سنڀالي سگهجي ۽ هو مسلم ليگ (ن) کي للڪاري رهيو آهي.
