اسلام آباد – 16 سيپٽمبر (اي پي پي) اطلاعات، نشريات ۽ قومي ورثي واري وفاقي وزير سينيٽر پرويز رشيد چيو آهي ته عمران خان پاڻ آمريڪا سفر نٿو ڪري سگهي، جيڪڏهن هو وڃي به ٿو ته ڪهڙي منهن سان آمريڪين سان ڳالهائيندو ڇو ته سندس نالو آف شور ۾ ظاهر ٿيو آهي. پنهنجي هڪ بيان ۾ هن چيو ته سڀني کان اهم ڳالهه هي آهي ته آمريڪي عدالتن عمران خان کي سندس گناهه ڪبير تي طلب ڪيو آهي، هن چيو ته عمران خان پنهنجي ملڪ جي خدمت ڇا ڪندو ۽ عام پاڪستاني به عمران خان سبب منفي، بي ڪردار تصور ڪيا ويندا.
