اسلام آباد – 25 آگسٽ (اي پي پي) صدر ممنون حسين چيو آهي ته چانورن جي پيداوار ۽ روانگي واپار وڌائڻ جي لاءِ اعليٰ معيار جي چانورن جا ٻج متعارف ڪرائڻ جي ضرورت آهي ته جيئن ان جي گهرج ۾ وڌيڪ اضافو ٿئي. هن اها ڳالهه ايوان صدر ۾ رائيس ايڪسپورٽ ايسوسيئيشن آف پاڪستان جي چيئرمين محمد شفيق جي سربراهي ۾ وفد سان ملاقات دوران چئي. صدر چيو ته پرائيس ايڪسپورٽ ايسوسيئيشن آف پاڪستان چانورن جي شعبي ۾ روانگي واپار لاءِ قدم کڻي جنهن سان نه رڳو چانور برآمد ڪندڙن کي فائدو ٿيندو پر آبادگار به ان مان فائدو کڻي سگهندو. صدر چيو ته ٽريڊ ايسوسيئيشن ڪاروبار کي فروغ ڏيڻ ۽ روانگي واپار کي وڌائڻ جي لاءِ اهم ڪردار ادا ڪري سگهي ٿو.