بيجنگ -27 آگسٽ (اي پي پي) چين فائيو جي ۽ صنعتي انٽرنيٽ جي سلسلي کي تيز ڪرڻ جو منصوبو جاري ڪري ڇڏيو آهي، جنهن تحت 2027ع تائين 20 فائيو جي فيڪٽريون قائم ڪرڻ جو هدف مقرر ڪيو ويو آهي. پرڏيهي ميڊيا موجب بيجنگ ميونسپل بيورو آف اڪنامي اينڊ انفارميشن ٽيڪنالاجي ۽ بيجنگ ڪميونيڪيشن ايڊمنسٽريشن طرفان گڏيل طور جاري ڪيل بيجنگ فائيو جي پولس انڊسٽريل انٽرنيٽ انوويشن ڊولپمينٽ امپليمينٽيشن پلان (27-2025) موجب شهر ۾ 50 فائيو جي صنعت- مخصوص نيٽ ورڪس قائم ڪيا ويندا ۽ ايترا ئي جامع ۽ صنعت- مخصوص فائيو جي ايپليڪيشن ساليوشنز فراهم ڪندڙ سپلائيرز تيار ڪيا ويندا. اهم مينيوفيڪچرنگ زونز ۽ گهڻن ادارن وارن علائقن ۾ فائيو جي نيٽ ورڪ ڪوريج کي بهتر بڻائڻ جي ترجيح ڏني ويندي، جنهن ۾ صنعتي فائيو جي پرائيويٽ نيٽ ورڪس ۽ فائيو ايڊ ايڊوانسڊ (فائيو جي-اي) لڳائڻ شامل هوندا. معاشي ۽ اطلاعاتي ٽيڪنالاجي بيورو موجب اليڪٽرانڪس، آٽوموبائيلز، اوزار ٺاهڻ ۽ بايو فارمسيوٽيڪل جهڙن شعبن جون نمايان ڪمپنيون فائيو جي فيڪٽرين جي تعمير ۾ ڪردار ادا ڪنديون. بيجنگ فني نواڻ کي پڻ هٿي ڏيندو ۽ صنعتي مينيوفيڪچرنگ، ڪنيڪٽيڊ گاڏين ۽ صحت جي شعبن ۾ فائيو جي ايپليڪيشنز جي توثيق ڪندو. شهر جو اهو به منصوبو آهي ته صنعتي ماحول ۾ 6- جي جي تحقيق ۽ ابتدائي ٺڪاڻن کي پڻ اڳيان وڌايو ويندو.
