بيجنگ-27 آگسٽ (اي پي پي) چين ۽ شنگهائي تعاون تنظيم جي ميمبر ملڪن وچ ۾ واپار جو ڳاڻيٽو 512.4 ارب ڊالرن جي بلند ترين سطح تي پهچي ويو. پرڏيهي ميڊيا موجب شنگهائي تعاون تنظيم (ايس سي او) جي اقتصادي ۽ واپاري سهڪار تي خاص پريس بريفنگ ۾ چين جي واپار واري وزارت جي نمائندي ٻُڌايو ته سندس ملڪ ايس سي او جي صدارت سنڀالڻ کانپوءِ عالمي واپار ۾ لاهن چاڙهن کي مُنهن ڏيڻ ۽ گهڻ رُخ واپاري نظام جي حمايت لاءِ ميمبر ملڪن سان گڏجي هڪ مضبوط آواز بلند ڪيو آهي. هن ٻُڌايو ته چين ۽ ايس سي او ملڪن وچ ۾ واپاري ڳاڻيٽو تاريخ جي بلند ترين سطح تي پهچي چڪو آهي. 2024ع ۾ چين ۽ ٻين ميمبر ملڪن وچ ۾ واپاري ڳاڻيٽو 512.4 ارب ڊالر رهيو جيڪو گذريل سال جي ڀيٽ ۾ 2.7 سيڪڙو وڌيڪ آهي.
